پاناما، جعلی اکاؤنٹس جے آئی ٹی رپورٹس بتاتی ہیں ریاستیں کیسے ناکام ہوتی ہیں: عمران خان


Sajjad Bhutta Posted on December 25, 2018

اسلام آباد: وزیراعظم عمران خان کا کہنا ہے کہ پاناما اور جعلی اکاؤنٹس جے آئی ٹی رپورٹس بتاتی ہیں کہ ریاستیں کیسے ناکام ہوتی ہیں۔
سماجی رابطے کی ویب سائیٹ ٹوئٹر پر وزیراعظم عمران خان کا کہنا تھا کہ پاناما اور جعلی اکاؤنٹس جے آئی ٹی رپورٹس بتاتی ہیں ریاست کیسے ناکام ہوئی، رپورٹس سے پتہ چلتا ہے ملک کیسے غربت اور قرضے میں ڈوبا۔
وزیراعظم عمران خان نے ٹوئٹ میں کہا کہ قومی خزانے کی لوٹ مار کے طریقے حیران کن ہیں جب کہ ان رپورٹس کے باوجود بھی لٹیروں کا دفاع کرنے والوں کوسمجھنا میرے لیے مضحکہ خیز حد تک باعث تعجب ہے۔